Khua gĭt gai Đảng mñă klă, hlăm bruă cách mạng, Đảng, knŭk kna bi klă nanao bruă mtô mjuăt bi hriăm jing hdră mđing mrô 1, jing êdei anăp djuê ana. Ară anei, hlăm klei mlih mrâo lăn čar, mlih mrâo bruă mtô mjuăt bi hrăm ăt mâo Đảng knăm gĭt gai, ktrâo lač leh anăn mâo mă lu boh tŭ dưn yuôm bhăn.

Khua gĭt gai Đảng mñă klă, čiăng ngă mtam dŭm hdră êlan lăm lui klei amâo thâo hră, boh nik ti krĭng taih kbưi, krĭng mnuih djuê ƀiă. Kñăm ngă klei ksiêm dlăng, mgaih msir jih hnơ̆ng klei kƀah sang hră, kƀah adŭ hriăm ti đa đa ƀuôn prŏng, wăl anôk tuh tia. Bi kjăp sang hră, adŭ hriăm nao mbĭt hŏng bruă rơ̆ng anôk dôk kơ phung nai ti krĭng taih kbưi, krĭng mnuih djuê ƀiă. Rơ̆ng djăp ngăn prăk lăn čar duh bi liê kơ bruă sang hră mơar ƀiă êdi 20% hlăm klei bi liê ngăn prăk knŭk kna hluê si hdră mtrŭn Đảng bi êdah leh.