Blŭ ti knăm anei, Trần Cẩm Tú mñă, ƀuôn hgŭm Bàn Thạch brei mkŏ mjing anôk bruă nah gŭ mrâo mrang, kpă mngač, mkăp kơ mnuih ƀuôn sang, mđĭ klei thâo êpul knuă druh, hluê ngă hdră mlih mrô hlăm bruă kriê dlăng, klei ngă hră mơar tŭ dưn, giăm mnuih ƀuôn sang. Mbĭt anăn, mtă kơ bruă Đảng ƀuôn prŏng Đà Nẵng lehanăn dŭm dhar bruă lŏ dơ̆ng mđing dlăng, đru ruh mtlaih klei dleh dlan kơ Bàn Thạch hlăm wưng tal êlâo hluê ngă gru hmô bruă knŭk kna dua gưl.

Klei kƀĭn ăt hưn mthâo klei bi mklă mơ̆ng Anôk kriê dlăng bruă Đảng ƀuôn prŏng Đà Nẵng ruah phung khua hlăm Anôk kriê dlăng bruă Đảng, Khua -kiăng khua bruă Đảng ƀuôn hgŭm Bàn Thạch, wưng thŭn 2025 – 2030. Anôk kriê dlăng bruă Đảng ƀuôn hgŭm mâo 28 čô. Nguyễn Duy Ân, Khua hđăp knơ̆ng bruă sang čư̆ êa ƀuôn prŏng Tam Kỳ (hđăp) mâo ruah ngă Khua bruă Đảng ƀuôn hgŭm, 2 čô kơiăng khua mâo Lê Ngọc Dương lehanăn Dương Văn Tuấn.