Khua knŭk kna bi tuôm hŏng khua mil čhil Burundi ƀri nao ti anôk bi kƀĭn êpul gơ̆ng prŏng mơ̆ng êpul hgŭm lu ala čar
Thứ bảy, 09:15, 23/09/2023
VOV TAYNGUYEN
VOV TAYNGUYEN
VOV4.Êđê- Ƀri wưng nao ti anôk bi kƀĭn êpul gơ̆ng prŏng hlăm êpul hgŭm lu ala čar gưl 78 ti New York, Mi, tlam mbrue 22/9 (hlue mmông alŭ wăl), Khua knŭk kna Phạm Minh Chính bi tuôm leh hŏng Burundi.
Ti anăn, khua knŭk kna Phạm Minh Chính mñă Việt Nam yap yuôm klei bi mguôp hgŭm mbĭt hlăm djăp mta hŏng dŭm ala čar ti Afrĭk, hlăm anăn mâo lăn čar Burundi. Khua knŭk kna mơak, lehanăn lač jăk kơ knŭk kna Burundi sa ai leh hŏng klei êpul grŭp dăng kông Việt Nam mă bruă ti Burundi, đru leh yuôm bhăn hlăm bruă mđĭ kyar klei duh mkra ala ƀuôn tinei.
Khua knŭk kna čang hmăng Burundi mjing djăp klei găl kơ phung duh mkra Việt Nam mă bruă ti Burundi. Mbĭt anăn khua knŭk kna bi êdah klei čiăng kơ dua nah bi mjĕ êrô klei bi mnia mblei, klei hgŭm bruă lŏ hma. Lehanăn lŏ dơ̆ng hgŭm prŏng hĭn ti anôk bi trông lu tĭng, hlăm anăn mjing kdrông mkŏ mơ̆ng dua ala čar hŏng dŭm ala čar hgŭm hlăm ASEAN, Êpul hgŭm Afrĭk (AU) lehanăn plah wah ASEAN lehanăn AU.
Viết bình luận