Ti anôk bi tuôm, Mtao Brunei mơak hlăk ƀuh klei bi mjĕ plah wah Việt Nam lehanăn Brunei đĭ kyar jăk siam êbeh 30 thŭn êgao. Mtao Brunei lač, dua ala čar mâo lu klei găl brei ba yua, mđĭ lar msĕ si bruă êa pui êwa čuh, hóa chất, bruă lŏ hma, mnơ̆ng hlăm êa, bruă hiu čhưn ênguê, mkra mnơ̆ng Halal.

Kơ hdră bi hgŭm dua nah, Khua knŭk kna Phạm Minh Chính mtă kơ Brunei lŏ dŏng mjing klei găl kơ anôk bruă duh mkra Việt Nam bi hgŭm mnia mblei hlăm bruă êa pui êwa čuh, hóa chất, bruă lŏ hma, mnơ̆ng ƀơ̆ng huă, mkăp hră dưi brei dŭm hô̆ mran trah mă kan, mnuih hiu mă kan Việt Nam dưi hiu mă hlăm krĭng ksĭ Brunei; mbĭt anăn đru kơ Việt Nam mkăp hră bi mklă, mkra mnơ̆ng Halal lehanăn ba yua klei găl kơ mnơ̆ng dhơ̆ng mơ̆ng Việt Nam. Ƀri gưl anei, dua khua kiă kriê tŭ ư hluê ngă tŭ dưn Hdră pŏk ngă Klei bi mjĕ ƀĭng hgŭm phŭn kluôm dhuôm Việt Nam - Brunei wưng thŭn 2023-2027, bi êlam hĭn klei bi mjĕ hlăm wưng ti anăp./.