Êpul êya mnuih Việt Nam ti Poland ară anei mâo hlăm brô 30 êbâo čô, đru mguôp lu hlăm bruă mđĭ lar, mđĭ kyar klei bi hgŭm djuê ana, klei bi hgŭm lu mta plah wah dua ala čar. Ƀri gưl thŭn mrâo, bi ala kơ khua gĭt gai Đảng, Knŭk kna, Khua knŭk kna mơĭt klei hơêč hmưi jăk siam hĭn kơ êpul êya mnuih Việt Nam ti Poland.

Khua knŭk kna  brei thâo hlăm gưl nao čhưn anei, srăng nao hlăm Hdră Yan mnga ƀuôn sang hơêč hmưi Tết mnuih Việt Nam ti Poland. Ñu pioh leh lu mmông wĭt alč klei êmuh, klei kčĕ, klei akâo mnuih ƀuôn sang; gĭt gai Phŭn bruă hŏng tač êngao, dŭm anôk bruă djŏ tuôm ktuê dlăng hdră kčah djŏ tuôm kơ anăn ala čar, mđĭ bruă mtô klei Yuăn hlăm sang hră Poland. Khua knŭk kna brei thâo hlăm gưl nao čhưn bi trông leh hŏng Khua mil čhil leh anăn Khua knŭk kna Poland kơ bruă mđĭ tŭ yap êpul êya mnuih Việt Nam jing mnuih djuê ƀiă, mtă kơ mnuih Việt Nam hdĭp tinăn leh anăn Anôk  bruă bi ala hgŭm mđĭ kyar bruă anei.