Khua knŭk kna hưn mthâo kơ mnuih ƀuôn sang kơ boh klei hlăm ala car, thŭn 2024, Việt Nam mâo ba wĭt leh dŭm boh tŭ dưn jăk hlăm djăp mta bruă, bi leh ênŭm 15/15 ênoh čuăn mđĭ kyar klei duh mkra ala ƀuôn, hlăm anăn mâo 12 ênoh čuăn kdlưn hĭn kơ ênoh kčah. Đĭ kyar GDP thŭn 2024 truh 7,09%, hnơ̆ng mâo GDP truh 476 êklai USD, dôk hlăm êpul duh mkra 35 ala čar dlông rŏng lăn.

Việt Nam lŏ dơ̆ng bi hơĭt klei duh mkra kluôm, mkhư̆ klei prăk luič ênoh, bi kna jih jang bruă prŏng. Wưng anei, khua knŭk kna mơak hưn mthâo hŏng mnuih ƀuôn sang pô ti ala čar Séc klei knơ̆ng bruă mặt trận čar kwar Việt Nam mâo ruah leh Praha jing anôk mkŏ mjing hrue knăm mơak klei bi mguôp jih jang djuê ana ti ala tač êngao tal êlâo, bi êdah dŭm boh tŭ dưn prŏng prĭn mơ̆ng mnuih ƀuôn sang pô mâo leh ti ala čar Séc. Khua knŭk kna čang hmăng kơ mnuih ƀuôn sang pô hlue gưt jăk klei bhiăn anôk pô hdĭp, mâo nanao klei thâo bi mguôp, bi đru, bi dlăng ba mbĭt, boh nik êjai dôk găn klei dleh dlan./.