Khua knŭk kna bi mni kơ klei đru mguôp mơ̆ng ADB hŏng klei đĭ kyar bruă duh mkra- ala ƀuôn mơ̆ng Việt Nam hlăm êbeh tlâo pluh thŭn êgao, boh nik klei bi hgŭm hlăm dŭm hdră bruă msĕ si Klei kuôl kă mkŏ mjing anôk bruă nah gŭ mdrơ̆ng hŏng klei bi mlih yan adiê ti Quảng Trị leh anăn Phú Yên.

Việt Nam dôk ngă tlâo klei yuôm bhăn êdi, hlăm anăn mâo anôk bruă êlan klông nah gŭ leh anăn pui kmlă. Khua knŭk kna akâo kơ ADB lŏ dơ̆ng đru kơ dŭm hdră bruă hnơ̆ng prŏng, mâo êlan dơ̆ng êran pral Dưr - Dhŭng, dŭm bruă pui kmlă bi êran hŏng pil yang hrue lehanăn ai angĭn, leh anăn anôk bruă sang hră, mdrao mgŭn, kreh knhâo, kdrăp mrâo.