Blŭ hlăm klei bi kƀĭn, Khua knŭk kna Phạm Minh Chính mñă ktang bruă mkŏ dăp anôk bruă knŭk kna dŭm gưl leh anăn mkŏ mjing bruă sang čư êa dua gưl jing bruă klam hmăi kơ bruă mkŏ mjing leh anăn klei ngă bruă mơ̆ng dŭm anôk bruă, êpul bruă leh anăn mnuih ƀuôn sang. Kyuanăn, čiăng bi klă anei jing bruă klam mjêč, yuôm bhăn, amâo mâo lui kơ bruă mkŏ dăp bi kpăk klei ngă bruă mơ̆ng dŭm anôk bruă, bruă mkra mjing leh anăn klei hdĭp aguah tlam mơ̆ng mnuih ƀuôn sang, knơ̆ng bruă.

Khua knŭk kna mñă brei mjêč mkŏ mjing, bi kluôm hdră bhiăn djŏ tuôm hŏng klei mkŏ mjing bruă sang čư̆ êa dua gưl. Ngă jăk bruă mkŏ dăp leh anăn mgaih msir êpul knuă druh, phung mă bruă knŭk kna, mkŏ dăp anôk mă bruă, kdrăp yua leh anăn bi hơĭt klei mă bruă ti dŭm anôk bruă knŭk kna mrâo.