Ti anôk bi blŭ hrăm, Khua knŭk kna Phạm Minh Chính sa blư̆ dơ̆ng hơêč hmưi kơ Singapore mkŏ mjing leh tŭ jing klei ruah khua. Khua knŭk kna đăo knang hŏng bruă mơ̆ng mnuih ƀuôn sang Singapore jao leh, Khua knŭk kna Lawrence Wong srăng lŏ dơ̆ng čung atăt, mđĭ kyar lăn čar Singapore găn jih klei lông dlăng, lŏ dơ̆ng mđĭ kyar hơĭt kjăp.

Bi blŭ hrăm kơ klei hgŭm Việt Nam-Singapore, Khua knŭk kna Phạm Minh Chính čang hmăng kơ dua nah mđĭ hĭn klei bi hgŭm duh mkra mnia mblei, pŏk mlar bruă Singapore duh bi liê ti Việt Nam, boh nik hlăm bruă kdrăp mrâo, bruă pui kmlă doh bi êran hŏng ai angĭn, bruă kơ hnơ̆ng carbon, mlih mrâo bruă ngăn prăk, mđĭ kyar bruă kdrŭn ksĭ, lehanăn bi kdơ̆ng hŏng phung ngă soh hluh lăn čar. Dua čô khua knŭk kna bi tŭ ư kơ bruă hgŭm dua nah, lehanăn kơ dŭm bruă mkăn ƀri bi kƀĭn gưl dlông ASEAN anăp anei ti Malaysia