Mâo klei dưi mơ̆ng Khua lăn čar, K’iăng Khua Adŭ bruă Khua lăn čar Phạm Thanh Hà hưn mdah hdră mtrŭn mơ̆ng Khua lăn čar ruah mdưm bruă klam K’iăng khua adŭ bruă Khua lăn čar hŏng Cấn Đình Tài leh anăn Nguyễn Hoàng Anh, phung đru bruă Khua lăn čar Lương Cường; leh anăn Nguyễn Dũng Tiến, pô đru bruă K’iăng Khua lăn čar.

Mđup brei hdră mtrŭn leh anăn hơêč hmưi kơ phung dưi ruah mdưm,  Khua lăn čar Lương Cường mñă klă hlăm bruă klam mrâo, phung mâo ruah brei lŏ dơ̆ng hriăm mjuăt knhuah kđi čar, krơ̆ng kjăp knuih hdĭp, bruă cách mạng; mđĭ lar klei thâo, ai tiê đua klam, mbruă, mlih mrâo hlăm bruă mă, klei thâo kriê dlăng, klei thâo đăo knăl, kčĕ čiăng ngă hmao, djŏ, đru mkŏ mjing Adŭ bruă Khua lăn čar khuăt, ktang, ngă bruă tŭ dưn.