Khua knŭk kna bi mklă klei bi hgŭm Việt Nam - Brasil truh ară anei mâo 5 klei smĕ, bi mbŏ, mâo: klei mĭn msĕ, đăo knang; mâo dhar kreh knhuah gru jĕ giăm; mâo bruă duh mkra bi đru leh anăn bi đĭ kyar; mâo klei čang hmăng gĭr ktưn ktang. Khua knŭk kna ksiêm dlăng mơ̆ng klei msĕ snăn, klei bi hgŭm Việt Nam – Brasil hlăm wưng êgao mâo leh knhuang đĭ kyar jăk hlăm lu mta bruă, hlăm anăn dua ala čar ƀi trông êpul gưl dlông leh anăn dŭm gưl, bruă duh mkra- mnia blei đĭ kyar kjăp, mbĭt anăn, dua tĭng ăt bi hgŭm kjăp hlăm dŭm klei bi kƀĭn lu tĭng.

Bi êdah klei tŭ ư hŏng klei Khua knŭk kna Phạm Minh Chính bi mklă, Khua mil čhil Lula da Silva tŭ ư srăng bi hgŭm pŏk ngă hdră msir mđĭ hĭn klei bi hgŭm dua ala čar hlăm wưng kơ anăp, mâo mđĭ klei bi trông êpul leh anăn bi tuôm dŭm gưl, boh nik gưl dlông; bi hgŭm pŏk ngă tŭ dưn hră mơar bi hgŭm siñê.