Hlăm klei bi tuôm, Khua knŭk kna Phạm Minh Chính bi êdah klei lač jăk kyua klei sa ai mơ̆ng Khua mil čhil Joe Biden hŏng bruă mđĭ kyar klei mjĕ giăm Việt Nam – Mi leh anăn hmăng hmưi hlăm wưng kơ anăp, hlăm djăp bruă păn, Khua mil čhil Biden ăt srăng lŏ sa ai leh anăn đru mguôp hlăm klei mjĕ giăm dua tĭng. Hơ̆k mơak lŏ bi tuôm hŏng Khua knŭk kna Phạm Minh Chính, Khua mil čhil Joe Biden mñă klă Khua knŭk kna Phạm Minh Chính jing sa čô mah jiăng mơ̆ng Mi. Khua mil čhil Biden bi êdah klei hơ̆k mơak êjai ƀuh, hlăm wưng păn bruă pô, dua ala čar mđĭ hnơ̆ng klei bi hgŭm hdră êlan kluôm dhuôm leh anăn mñă klă sa ai kơ klei mjĕ giăm Mi – Việt Nam amâo mâo mdei đĭ kyar.

Ăt hlăm klei bi kƀĭn, Khua knŭk kna Phạm Minh Chính mâo lu klei bi trông hŏng phung khua gĭt gai dŭm ala čar Malaysia, Angle, Italia, Turki, Portugal, Mexico, Dhŭng Afrĭk, Angola, Tanzania, Qatar, Saudi Arabia.