Khua knŭk kna mñă Việt Nam dlăng myuôm lehanăn čang hmăng mđĭ hĭn klei bi mjĕ hŏng dŭm ala čar hlăm krĭng Krah Ngŏ Ơrôp, hlăm anăn Poland jing sa hlăm dŭm ƀĭng hgŭm bruă mrô sa. Ti anôk bi tuôm, dua khua kiă kriê bi êdah klei mơak kơ dŭm knhuang đĭ kyar hlăm klei bi mjĕ Việt Nam – Poland hlăm djăp mta ra bruă.

Hdră duh mkra – mnia mblei jing leh gru kruăk yuôm bhăn hlăm hdră mnia mblei dua nah hŏng ênoh prăk blei mnia mơ̆ng thŭn 2020 truh kơ ară anei mâo êbeh 2,5 êklai USD, knŏng hlăm thŭn 2024 mâo êbeh 3 êklai USD, ba Poland jing ƀĭng hgŭm bruă mnia mblei prŏng êdi mơ̆ng Việt Nam ti krĭng Krah Ngŏ Ơrôp. Khua kiă kriê dua ala čar ăt bi trông kơ hdră êlan lehanăn hdră msir kñăm mđĭ klei bi mjĕ dua ala čar ƀrư̆ hruê ƀrư̆ êlam hĭn, klă sĭt, tŭ dưn, hnưm mkra mđĭ klei bi mjĕ Việt Nam – Poland truh ti hnơ̆ng ƀĭng hgŭm phŭn./.