Hlăm klei blŭ hrăm, Khua Knŭk kna Phạm Minh Chính mñă klă Việt Nam mprăp nao hgŭm hlăm dŭm klei gĭr mbĭt mơ̆ng êpul êya lu ala čar, hlăm anăn mâo ASEAN, čiăng tui duah hdră êlan kơ klei bi blah ară anei. Hlăm wưng klei bi blah dleh ksiêm dlăng, Khua Knŭk kna lač jăk leh anăn mñă kơ Knŭk kna Qatar lŏ dơ̆ng uêñ mĭn, răng mgang klei êđăp ênang mnuih ƀuôn sang Việt Nam ti Qatar leh anăn mkŏ mjing klei găl kơ mnuih Việt Nam nao dôk ti Qatar.

Khua Knŭk kna Qatar mñă klă srăng rang mgang êđăp ênang kơ mnuih ƀuôn sang Việt Nam msĕ si mnuih ƀuôn sang pô. Bi kơ klei bi mguôp bruă êa pui plah wah dua ala čar hlăm wưng ară anei, Khua Knŭk kna Qatar mñă klă Qatar dôk gĭr ngă ênŭm klei ƀuăn rơ̆ng kuôl kă hŏng dŭmg ƀĭng hgŭm, mprăp bi mguôp kjăp čiăng răng mgang klei hơĭt kjăp bruă êa pui ti Việt Nam.