Tlam hrue 2/2 (jing hrue 5 Tết), ti Lạng Sơn, hlăm ai êwa kkuh mơak klei bi hdơr 95 thŭn hrue mkŏ mjing Đảng Cộng sản Việt Nam (3/2), kluôm ala mơak yan mnga Ất Tỵ, Khua knŭk kna Phạm Minh Chính kiă kriê klei bi kƀĭn hŏng dŭm phŭn dhar bruă, alŭ wăl kơ bruă mđĭ hĭn klei mkra êlan dơ̆ng pral Đồng Đăng (Lạng Sơn)-Trà Lĩnh (Cao Bằng) lehanăn ƀăng jang knông lăn Hữu Nghị-Chi Lăng.
Khua knŭk kna nao truh ti 4 anôk dôk mkra dua kdêč êlan anei, mđĭ ai, mđup brei mnơ̆ng Tết kơ knuă druh mnuih mă bruă. Bi mklă mta kñăm bi leh dua kdrêč êlan anei bi leh hlăm thŭn 2025 čiăng dưi bi hluh êlan dơ̆ng pral mơ̆ng Cao Bằng truh Cà Mau hlăm thŭn anei. Khua knŭk kna bi mni kơ ai tiê mă bruă dăl hlăm jih hrue Tết ti 2 kdrêč êlan anei. Khua knŭk kna bi mni lehanăn mâo klei mtă kơ pô kiă kriê bruă mkra êlan brei lŏ dơ̆ng gĭr hĭn, mă bruă hŏng klei kjăp, ba yua klei kreh knhâo, mlih mrâo, mjing djăp klei găl, lehanăn klei êđăp ênang êjai mă bruă, rơ̆ng klei mkra êlan djŏ hdră kčah, lehanăn kjăp sĭt./.
Viết bình luận