Ti anôk bi kƀĭn, phung khua hlăm Knŭk kna bi trông lehanăn brei klei blŭ hŏng Hdră čih mkra Klei bhiăn kriê dlăng, răng mgang Msat Khua gĭt gai Hồ Chí Minh mâo Phŭn bruă lĭng kahan mdah; Klei čih mkra Hdră bhiăn mkra mlih, thiăm mbŏ dŭm mta hlăm Hdră bhiăn ba yua pui kmlă mkiêt mkriêm lehanăn tŭ dưn mâo Phŭn bruă Tuh tia mnia mblei mdah; Klei čih mkra Hdră bhiăn Năng lượng nguyên tử (mkra mlih) mâo Phŭn bruă Kreh knhâo lehanăn kdrăp mrâo mdah; Klei čih mkra Hdră bhiăn mă kơ̆ng, kơ̆ng êjai lehanăn kăm đuê̆ mơ̆ng anôk dôk mâo Phŭn bruă kahan ksiêm mdah.

Hŏng dŭm klei blŭ djŏ tuôm kơ klei mă kơ̆ng, kơ̆ng êjai djŏ tuôm hŏng mnuih amâo jăk kŏ dlô, mnuih khŏ, hluê Khua knŭk kna hlei pô mâo klei ruă brei lui êjai hdră mă kơ̆ng lehanăn brei nao mdrao mgŭn; Phŭn bruă mdrao mgŭn kriê dlăng, ksiêm mkă mnuih mâo klei ruă, bi phung mâo klei soh brei Phŭn bruă kahan ksiêm kăp kriê dlăng./.