Klei bi kƀĭn Anôk dlăng bruă Đảng gưl dlông mlan 1/2025 bi mklă lu hdră êlan yuôm bhăn kơ klei dăp, bi khuăt êpul mă bruă; mkra mlih hdră kñăm đĭ kyar thŭn 2025 mâo 8% kơ dlông čiăng đĭ kyar, gĭr ktưn truh hdră kñăm Hdră kčah 5 thŭn 2021-2025 leh anăn jing tur knơ̆ng kjăp, mđing kơ hdră kñăm đĭ kyar dua ênoh mrô hlăm wưng 2026-2030.
Blŭ hrăm klah čŭn klei bi kƀĭn, Khua knŭk kna Phạm Minh Chính lač klă kơ bruă dưi ngă leh, ka dưi ngă hlăm mlan 1, mta phŭn leh anăn klei hriăm. Hlăm wưng kơ anăp, Khua knŭk kna mtă, păn kjăp Hdră mtrŭn mơ̆ng Đảng, klei gĭt gai mơ̆ng Gưl dlông, Phŭn bruă kđi čar, phung khua gĭt gai kmeh gơ̆ng, čiăng dưi ngă hdră kčah, hdră hlue ngă mơ̆ng grăp gưl, dhar bruă alŭ wăl. Brei mâo klei gĭr prŏng, ngă bruă jih hnơ̆ng mơ̆ng hruê tal êlâo, mlan tal êlâo thŭn 2025. Mơ̆ng tur knơ̆ng klei thâo gĭt gai mâo leh, brei mđĭ ktang hĭn, păn kjăp boh klei, ngă bruă tŭ dưn hĭn; mđĭ boh tŭ bi hgŭm, boh nik hlăm klei msir mgaih bruă mlir dhar bruă, mlir krĭng; pral hưn mdah leh anăn kčĕ mâo hdră msir dŭm bruă amâo dôk hlăm klei dưi.
Viết bình luận