Khua knŭk kna mñă ktang, thŭn 2025, knŭk kna srăng jao hnơ̆ng čuăn đĭ kyar jih jang dŭm alŭ wăl, phŭn dhar bruă djŏ tuôm, dŭm knơ̆ng bruă knŭk kna. Hluê si Khua knŭk kna, tơdah đĭ kyar kah knar amâodưi djăp ôh 2 mta kñăm đĭ kyar 100 thŭn. Čiăng sơnăn, hlăm thŭn 2025 srăng đĭ kyar ƀiă êdi 8% GDP čiăng mkŏ mjing boh kdrŭt, ai êwa kơ dŭm thŭn kơ anăp mâo đĭ kyar 2 ênoh mrô leh anăn klei anei čiăng êdi klei đru mnguôp mơ̆ng êpul êya knơ̆ng bruă, boh nik jing dŭm knơ̆ng bruă prŏng.

Khua knŭk kna Phạm Minh Chính mñă kơ dŭm knơ̆ng bruă ksiêm dlăng ya dưi ngă leh anăn bi klă hdră êlan ngă bruă, amâo amâo mă ƀơ̆ng kơ pô, gang mkhư̆ klei ƀơ̆ng ngăn, klei amâo mâo jăk. Khua knŭk kna Phạm Minh Chính hmăng hmưi phung khua gĭt gai dŭm knơ̆ng bruă mơ̆ng boh sĭt, klei hriăm, tŭ jing hŏng klei khăp čiăng, klei duh myơr, jhŏng đru mguôp klei blŭ hŏng klei siă suôr, kpă ênô, jih jang kyua klei đĭ kyar lăn čar, kyua klei yâo mơak mơ̆ng mnuih ƀuôn sang.