Ti ktuê êlan ktuê hang ksĭ Dung Quất - Sa Huỳnh kdrêč găn čar Quảng Ngãi, Khua knŭk kna Phạm Minh Chính êmuh hrăm mnuih mnuih ƀuôn sang tinei, mđup brei mnơ̆ng kơ phung mă bruă rŭ mkra ti hdră bruă, mbĭt anăn hmư̆ klei hưn mdah hnơ̆ng hlue ngă hdră bruă. Hlue si klei hâo hưn, Hdră bruă ktuê êlan hang ksĭ Dung Quất - Sa Huỳnh mâo boh dlông mơ̆ng ktuê êlan hlăm brô 125km; anôk mphŭn mkŏ hŏng anôk knhal tuč mơ̆ng ktuê êlan ktuê hang ksĭ čar Quảng Nam (ktuê êlan giăm tač êdeh phiơr Chu Lai) leh anăn anôk knhal tuč mkŏ hŏng êlan ktuê hang ksĭ čar Bình Định ti Km125+645.

Leh anăn Khua knŭk kna nao ksiêm dlăng leh anăn mđup brei mnơ̆ng kơ phung mă bruă leh anăn hmư̆ klei hưn mdah hnơ̆ng hlue ngă Hdră bruă bi liê mkŏ mjing hdră bruă êlan dơ̆ng êran pral Dưr - Dhŭng, kdrêč găn Quảng Ngãi - Hoài Nhơn. Êlâo anăn, Khua knŭk kna Phạm Minh Chính ksiêm dlăng hdră lăm lui sang dôk êjai, sang tĭ ti kdriêk Mộ Đức, čar Quảng Ngãi, nao čuă gŏ sang Trần Trung Kiên ti să Đức Chánh.