Khua knŭk kna lač snei, knơ̆ng prăk jing mta phŭn mơ̆ng hdră duh mkra, mta phŭn anei amâo klă mngač snăn hdră mtrŭn bruă prăk kăk kăn jăk lei, hdră mtrŭn bruă ngăn prăk amâo jăk srăng hmăi truh kơ hdră mđĭ kyar hơĭt kjăp bruă duh mkra, hmăi truh kơ hnơ̆ng đĭ kyar. Thŭn 2025 jing thŭn mâo boh tŭ yuôm bhăn, jing thŭn mtrŭt mđĭ kyar, gĭr mâo hnơ̆ng đĭ kyar GDP ƀiă êdi 8%.

Khua knŭk kna mtă lŏ dơ̆ng mtrŭt mđĭ kyar boh kdrŭt mâo leh mơ̆ng êlâo anăn jing hdră ba čhĭ mnơ̆ng kơ ala tač êngao, hdră blei yua lehanăn duh bi liê; mtă kơ anôk bruă, êpul êya mđing ksiêm dlăng dŭm hdră brei čan hŏng phung mda asei čiăng kơ sang dôk. Hŏng hdră êlan “Djăp klei găl mâo kbiă hriê mơ̆ng klei mĭn lehanăn hdră êlan hluê ngă, boh kdrŭt kbiă hriê mơ̆ng klei bi mlih mrâo, ai ktang kbiă hriê mơ̆ng mnuih ƀuôn sang lehanăn anôk bruă duh mkra, Khua knŭk kna mtă brei mă boh kdrŭt jing knơ̆ng prăk čiăng mđĭ lar, ba yua jih klei găl mâo, ai bi ktưn, mjing boh kdrŭt mrâo hlăm hdră mđĭ kyar ala čar./.