Tlam mbrue 9/2, Khua knŭk kna Phạm Minh Chính mă leh bruă hŏng phung khua kiă kriê knơ̆ng čar Quảng Ngãi kñăm ksiêm wĭt boh tŭ dưn bruă duh mkra ala ƀuôn thŭn 2024 lehanăn trông čhai hdră êlan, bruă čuăn thŭn 2025, mjing klei găl kơ čar Quảng Ngãi mâo klei đĭ kyar pral bi leh jih jang mta čuăn bruă thŭn 2020 – 2025.  Blŭ hrăm ti anôk mă bruă, Khua knŭk kna Phạm Minh Chính ktrâo klă 8 mta čuăn, anăn jing: Hlue ngă hdră mtrŭn mrô 18 kơ klei dăp wĭt êpul mă bruă hŏng klei khuăt mă bruă bi mâo klei tŭ dưn, mbĭt hŏng anăn mprăp êmiêt mnuih mă bruă bi djŏ, lehanăn mkŏ mjing klei bi kƀĭn prŏng Đảng dŭm gưl, rơ̆ng bi mlih hlăm mlan 2 lehanăn mlan 3, mđing hlue ngă hdră mtrŭn mrô 57 mtrŭt klei ba yua kdrăp mrô, mđrĭng hŏng bruă bi mlih mrô, lehanăn hlue ngă mta bruă mrô 06.

Mđing mkŏ mjing  Đảng doh mngač kjăp ktang, jih jang êpul bruă mâo klei thâo bi mguôp, mă bruă tŭ jing, mkŏ mjing klei bi kƀĭn prŏng Đảng dŭm gưl, anăp truh kơ klei bi kƀĭn prŏng Đảng gưl 14./.