Hlăm klei nao čuă, Khua knŭk kna Phạm Minh Chính nao čuă anôk bruă mtô klei Yuăn Praha. Phung nai ti anôk bruă hŏng ai tiê čŏng pô, amâo mâo prăk mlan, knŏng mâo mă ênoh ƀiă yap hluê mmông. Hlăm 22 thŭn êgao, anôk bruă mtô leh klei Yuăn kơ dŭm êbâo čô hđeh k’kiêng leh anăn hriê kơ prŏng lăn lăn čar Czech thâo dlăng, thâo čih, thâo blŭ klei Yuăn.

Khua knŭk kna Phạm Minh Chính mñă klă, klei blŭ djuê ana jing kdrông mkŏ plah wah ênuk êlâo leh anăn ênuk êdei, đru kơ phung mda asei Việt Nam ti ala tač êngao thâo hĭn kơ knhuah gru dhar kreh, hƀuê ênuk lăn čar, bi mbŏ klei khăp kơ lăn čar, klei ktưn hưn djuê ana. Mñă kơ anôk bruă lŏ dơ̆ng bi lu jơr dŭm hdră êlan, bruă mtô leh anăn hriăm, mkŏ mjing thiăm klei khăp kơ phung hđeh hluê hriăm.