Gưl nao mă bruă jing yuôm bhăn, lŏ dơ̆ng bi mklă êlan hŏng tač êngao êngiê, lu tĭng, lu jơr, pral, bi hgŭm ñŭ kma lu ala čar kluôm, pŏk mlar leh anăn tŭ dưn mơ̆ng Việt Nam, đru bi êlam klei bi hgŭm ala čar drei hŏng dŭm ƀĭng hgŭm yuôm bhăn, mđĭ hĭn kơhưm, bruă klam leh anăn klei đru mguôp mơ̆ng Việt Nam, ba klei hâo hưn kơ klei gĭr, klei čang hmăng mđĭ kyar mơ̆ng djuê ana, iêô jak jih hnơ̆ng klei găl lu ala čar kơ hdră kñăm mđĭ kyar lăn čar.

Gưl nao čhưn ti Poland, Séc leh anăn mă bruă ti Sweden jing klei găl yuôm bhăn čiăng Việt Nam mđĭ klei bi hgŭm êlam hĭn hŏng dŭm ala čar ăt msĕ mơh krĭng Msăt boh lăn leh anăn EU, mđĭ lar bruă klam mkŏ plah wah Poland , Séc hŏng ASEAN, mđĭ klei bi hgŭm msir mgaih bruă kơ krĭng wăl leh anăn kluôm rŏng lăn, đru kơ klei êđăp ênang, hơĭt kjăp, bi hgŭm msir mgaih klei kơ krĭng wăl leh anăn kluôm rŏng lăn, đru kơ klei êđăp ênang, hơĭt kjăp, bi hgŭm leh anăn mđĭ kyar ti grăp krĭng wăl leh anăn dlông rŏng lăn.