Thŭn anei, Êpul grup êa pui êwa čuh Việt Nam (Petrovietnam) bi leh kluôm hdră kčah thŭn hŏng prăk hrui wĭt mâo 1 êklăk êklai prăk, ba wĭt kơ knơ̆ng prăk knŭk kna 164 êbâo êklai prăk. Petrovietnam pŏk ngă dŭm hdră bruă phŭn hnơ̆ng prŏng snăk, kdrăp mrâo msĕ si hdră bruă êa pui êwa čuh - pui kmlă wăl B- Ô Môn leh anăn hdră bruă Lạc Đà Vàng.

Blŭ hrăm ti anôk bi kƀĭn, Khua knŭk kna Phạm Minh Chính hơêč hmưi leh anăn čih yap klei gĭr prŏng hŏng dŭm knhuang đĭ kyar mơ̆ng Petrovietnam leh anăn Knơ̆ng bruă Hdră bruă hdră mnêč Êa pui êwa čuh Việt Nam hlăm bruă pŏk ngă hdră bruă êa pui êwa čuh leh anăn dŭm hdră bruă mkra mjing, hlăm anăn hjăn hdră bruă pui kmlă êran hŏng ai angĭn hlăm êa ksĭ mâo ênoh hră kuôl kă hlăm brô 2 êklai USD. Khua knŭk kna čang hmăng Êpul grup leh anăn Knơ̆ng bruă đĭ kyar ktang hĭn, hŏng hnơ̆ng đĭ kyar lu hĭn dua blư̆ hlăm dŭm thŭn kơ anăp, mâo hlăm brô 15-20% grăp thŭn; đru mđĭ kyar GDP kluôm ala mâo hnơ̆ng lu hĭn, mâo hlăm brô 8% hlăm thŭn 2025.