Blŭ hrăm hlăm hdră anei, bi ala kơ knŭk kna, Khua knŭk kna Phạm Minh Chính lač klă, čô̆ kơ bruă hŏng klei mbruă čiăng mâo klei hrăm mbĭt, sa ai mơ̆ng bruă kđi čar, mơ̆ng yang ƀuôn, mnuih ƀuôn sang, knơ̆ng bruă, srăng mă mnuih ƀuôn sang, knơ̆ng bruă jing mta kñăm, jing phŭn, jing boh kdrŭt leh anăn ai dưi phŭn, boh nik srăng mđing tal êlâo, đru kơ phung mda asei.

Čô̆ kơ bruă hŏng klei mbruă čiăng jhŏng mĭn, jhŏng ngă, tŭ klei amâo mâo jăk, jhŏng nao êlâo, jhŏng ngă bruă, găn jih klei dleh dlan kyua boh tŭ dưn kơ lăn čar, djuê ana, kyua êdei anăp mơ̆ng lăn čar leh anăn wăt kơ pô. Khua knŭk kna Phạm Minh Chính mñă klă, čô̆ kơ bruă hŏng klei mbruă jing sa boh kdrŭt leh anăn ai dưi yuôm bhăn hlăm klei đĭ kyar hơĭt kjăp. Čô kơ bruă čiăng mâo klei khăp čiăng, klei gĭr, klei gĭr leh anăn klei jhŏng găn jih klei dleh dlan, klei lông dlăng čiăng mđing truh kơ klei tŭ jing.