Blŭ hrăm tinăn, mâo leh klei bi tuôm, lehanăn mđup brei mnơ̆ng kơ êpul hiu kuia klang kleh phung djiê êngiă mơ̆ng kahan alŭ wăl 9, Khua knŭk kna Phạm Minh Chính lač Đảng, Knŭk kna srăng lŏ jih ai tiê ngă jăk hĭn bruă tui duah kuai ba wĭt klang kleh phung djiê êngiă, lehanăn bi klă anăn, amâo mâo lui sa čô wơr bĭt hĕ kơ tluôn ôh, kăn lui sa gŏ sang phung djiê êngiă lĕ hlăm klei amâo mâo hdơr knga.

Khua knŭk kna čang hmăng bi êdah ai tiê mnăm êa hdơr kơ hnoh, ƀơ̆ng boh hdơr kơ pô pla, jih jang kluôm Đảng, mnuih ƀuôn sang lehanăn lĭng kahan mâo bruă đua klam bi leh bruă jao, đru bi hrŏ klei ênguôt hnĭng mơ̆ng klei bi blah, bi leh bruă čuăn hŏng mnuih leh êbuh kyua klei êngiê, klei hluh lir lăn čar./.