Blŭ hrăm hlăm knăm mtrŭt mjhar, Khua knŭk kna Phạm Minh Chính mñă ktang: Hdră bruă mnuih ƀuôn sang hriăm kơ bruă mrô mâo boh tŭ dưn yuôm bhăn hŏng klei đĭ kyar lăn čar, bi êdah klei gĭr mơ̆ng Đảng, knŭk kna hlăm klei mđĭ kyar knŭk kna mrô, bruă duh mkra mrô, yang ƀuôn mrô, mnuih ƀuôn sang mrô, bi lar knhuah gru khăp kơ klei hriăm, ai tiê hluê hriăm jih klei hdĭp mơ̆ng djuê ana Việt Nam. Bơ̆k bâo kơ 80 thŭn êlâo, êjai lăn čar mâo mă klei êngiê, êbeh 95% mnuih ƀuôn sang ka thâo hră…

Hdră bruă mnuih ƀuôn sang hriăm dưi mkŏ mjing hŏng mta kñăm mjêč jing lăm lui klei amâo mâo boh hră, mđĭ hĭn klei thâo kơ mnuih ƀuôn sang leh anăn knŏng hlăm wưng bhiâo, dŭm êklăk čô mnuih Việt Nam thâo dlăng hră, thâo čih, đru mguôp yuôm bhăn  hlăm bruă rŭ mdơ̆ng leh anăn răng mgang lăn čar, Khua knŭk kna lač klă, lăn čar dôk ti anăp klei găl hƀuê ênuk čiăng mŭt hlăm wưng mrâo, đĭ kyar ktang hŏng boh kdrŭt mơ̆ng klei kreh knhâo mrâo mrang, mlih mrâo hŏng klei mbruă leh anăn mlih mrô.