Blŭ hrăm hlăm Klei bi trông, Khua knŭk kna Phạm Minh Chính iêô mmthưr dŭm ala čar brei mâo klei mĭn kđi čar ktang hĭn, klei găl prŏng hĭn, bruă ngă jih ai tiê hĭn kơ dŭm hdră bruă klă klơ̆ng, boh sĭt, tŭ dưn hĭn, kyua lăm lui klei ư̆ êpa ƀun ƀin amâo djŏ jing klei yuôm bhăn hĭn ôh, ƀiădah lŏ jing tur knơ̆ng yuôm bhăn hĭn, hmăi kơ klei rơ̆ng êđăp ênang, hơĭt kjăp hlăm kluôm ala.

Khua knŭk kna čih hlue si klei blŭ Khua gĭt gai Hồ Chí Minh, “Bi hgŭm jing ai ktang prŏng”, leh anăn mơ̆ng ai tiê anăn bi mklă Việt Nam ƀuăn rơ̆ng mđĭ klei mĭn lu tĭng, bi hgŭm lu ala čar kjăp, đru mguôp jăk, tŭ dưn hlăm klei gĭr mbĭt mkŏ mjing sa dlông rŏng lăn amâo lŏ mâo klei ƀun ƀin sui ôh, sa dlông rŏng lăn hơĭt kjăp.