Blŭ hrăm ti anôk bi kƀĭn anei, Khua phŭn bruă duh mkra mnia mblei Nguyễn Hồng Diên mñă, Logistics jing bruă msĕ si aruăt êrah kơ klei duh mkra, mâo bruă klam prŏng đru phung duh mkra, bi hrŏ ênoh bi liê, bi hrŏ ênoh dleh kpăk kơ klei čhĭ mnia, đru kơ phung duh mkra mâo ai bi ktưn prŏng.

Hlăm anôk bi kƀĭn, phung bi ala bi êdah leh dŭm klei mĭn, hdră êlan hŏng logictics msĕ si: Kơ dŭm klei găl hlăm bruă mkŏ mjing, lehanăn nao hlăm klei duh mkra mnia mblei êngiê hŏng kdrŭn ksĭ ti Bà Rịa - Vũng Tàu; Bruă kpưn nao hlăm êa ksĭ prŏng: Êlan êa Việt Nam mkŏ nao hlăm klei mnia mblei êngiê, ba yua kdrăp mrâo hlăm klei duh mkra mnia mblei êngiê, lehanăn mđĭ kyar logistics; Hdră êlan logistics mnia mblei hŏng elektronik hluh lăn čar, lehanăn dŭm hdră êlan kơ  Việt Nam.