Blŭ hrăm ti knăm anei, Khua knŭk kna Phạm Minh Chính hưn mthâo leh kơ hƀuê ênuk klei bi mjĕ Việt Nam lehanăn Mi, Khua knŭk kna lač, ñu mơak hlăk ƀuh klei bi mjĕ Việt Nam – Mi ƀrư̆ hruê ƀrư̆ đĭ kyar jăk siam, hlăm anăn mâo klei đru mguôp mơ̆ng anôk bruă duh mkra Mi.

Hluê Khua knŭk kna, Việt Nam lŏ dơ̆ng mkra mđĭ wăl anôk mnia mblei hlê hdă mtrŭn hơĭt kjăp, klă mngač, djŏ hŏng hdră bhiăn tar rŏng lăn, gĭr mprăp djăp mta ra klei lehanăn mjing klei găl kơ phung duh bi liê ala tač êngao, hlăm anăn mâo Mi; akâo kơ Mi lui dŭm klei kpăk gun, kăm khư̆ hŏng Việt Nam, hnưm tŭ yap klei bhiăn wăl anôk blei mnia hlăm bruă duh mkra mơ̆ng Việt Nam, mjing klei găl kơ dua ala čar, dua anôk bruă duh mkra bi hgŭm mđĭ kyar, kyua klei tŭ dưn mbĭt mơ̆ng dua ala čar, mnuih ƀuôn sang dua ala čar./.