Klei bi kƀĭn WEF Davos tal anei jing hdră yuôm bhăn čiăng phung khua bruă kđi čar lehanăn mnia mblei tar rŏng lăn mbĭt hŏng dŭm êpul bruă ala ƀuôn bi trông klei hmăi mơ̆ng ala ƀuôn kreh dhar.

Hluê anăn, ti anôk bi kƀĭn, phung bi ala mđing bi trông dŭm klei hmăi mơ̆ng klei thâo ênuk ară anei hŏng klei đĭ kyar bruă duh mkra, klei đĭ kyar mơ̆ng kdrăp mrâo, mkŏ mjing mnuih mă bruă lehanăn mđĭ klei thâo mnuih mă bruă ti dŭm sang maĭ, anôk bruă duh mkra, ăt msĕ mơh krŭ wĭt klei đăo knang mơ̆ng êpul êya tar rŏng lăn. Hlăm hdră anei, Khua knŭk kna Phạm Minh Chính srăng mâo klei bi tuôm dua nah hŏng Khua mil čhil Thụy Sĩ čiăng bi trông kơ hdră mđĭ hĭn klei bi mjĕ dua nah lehanăn mđĭ kơhưm klei bi mjĕ ƀĭng hgŭm dua ala čar, mbĭt anăn bi tôm hŏng phung tuê ala tač êngao, phung khua dŭm ala čar, dŭm êpul bruă, anôk bruă duh mkra, phung duh bi liê prŏng mơ̆ng tar rŏng lăn./.