Hruê mbruê 19/8, ti sang bruă Khua lăn čar, Khua lăn čar Lương Cường leh anăn mô̆ ñu gĭt gai knăm tŭ drông mtao Bhutan  Jigme Khesar Namgyel Wangchuck leh anăn mô̆ gơ̆ng hriê čuă ala čar Việt Nam. Leh knăm tŭ drông, dua tĭng ngă klei bi blŭ hrăm. Khua lăn čar Lương Cường leh anăn mtao Jigme bi lač klei mjĕ giăm plah wah Việt Nam leh anăn Bhutan dưi ksul mbŭ hŏng klei khăp bi hgŭm, klei hrăm mbĭt leh anăn hdră tă hơĭt kjăp. Hŏng ai tiê anăn, dua tĭng amâo mâo mdei bi kjăp klei bi hgŭm leh anăn klei thâo săng hdơ̆ng pô, mtrŭt mđĭ dŭm gưl nao čuă jêñ jêñ hĭn, mtrŭt mđĭ bi klă dŭm klei kuôl kă čiăng mkŏ mjing klei găl ngă dŭm hdră bruă.

Khua lăn čar Lương Cường bi mni kơ Bhutan pŏk mlar klei mjĕ giăm, bi mguôp klă klơ̆ng leh anăn mbruă mkŏ mjing klei găl mkŏ hŏng dŭm ala čar ASEAN. Leh klei blŭ hrăm, phung khua gĭt gai ktuê dlăng knăm bi klă dŭm hră mơar bi mguôp plah dua knŭk kna leh anăn hră mơar bi mguôp bruă êdeh phiơr plah wah dua ala čar./.