Ƀri hlăm klei nao čhưn kơ ala car Êjip, Khua lăn čar Lương Cường lehanăn mô̆ ñu, mbĭt hŏng phung khua prŏng Việt Nam mâo bi tuôm hŏng phung knuă druh, mnuih mă bruă anôk bruă bi ala knŭk kna, lehanăn mnuih  Việt Nam ti Êjip. Hlăm ai tiê thâo bi mguôp, h'’h mđao, bi ala kơ phung khua kiă kriê Đảng lehanăn knŭk kna, Khua lăn čar Lương Cường mơĭt truh kơ jih jang mnuih Việt Nam hlăk dôk hriăm lehanăn mă bruă ti Êjip, phung knuă druh mnuih mă bruă anôk bruă bi ala knŭk kna Việt Nam mbĭt hŏng găp djuê dŭm ai tiê kleikhăp lehanăn klei hơêč hmưi jăk siam.

Yăl dliê hŏng mnuih ƀuôn sang pô ti Êjip, Khua lăn čar brei thâo leh giăm 40 thŭn mlih mrâo, Việt Nam hlăk čŏng čhuang hlăm ênuk gưl mrâo, gĭr mđĭ kyar hlăm ênuk mrâo mđĭ ênoh mâo ba wĭt lu hlăm thŭn 2030, lehanăn truh kơ thŭn 2045, jing ala čar đĭ kyar. Khua lăn čar čang hmăng mnuih ƀuôn sang lŏ dơ̆ng dưn yua jih ai tiê thâo khăp kơ lăn čar, mđrăm mbĭt hŏng lăn čar pô hdĭp mđĭ kyar. Đru kơ ala čar Êjip bi kjăp klei bi mguôp hŏng pô, lehanăn bi kriê pioh klei blŭ djuê ana pô, lehanăn dhar kreh pô kơ anak čô mgi dih./.