Hlăm mmông drông, Khua lăn čar Lương Cường bi mklă, klei bi hgŭm prŏng, bi hgŭm yuôm bhăn, bi hgŭm kluôm Việt Nam - Lào jing yuôm bhăn hŏng bruă mkŏ mjing leh anăn răng mgang čar kwar mơ̆ng grăp ala čar; jing klei bhiăn hdĭp mda leh anăn đĭ kyar mơ̆ng grăp ala čar.

Khua lăn čar Lương Cường mtă, hlăm wưng kơ anăp, êpul lĭng kahan dua ala čar mđĭ klei bi hgŭm, bi trông klei thâo mkŏ mjing êpul lĭng kahan kjăp ktang kơ kđi čar, klei mĭn, knuă druh leh anăn êpul bruă; mđing mkra mđĭ, răng mgang tur knơ̆ng klei mĭn mơ̆ng Đảng, kriê pioh klei gĭt gai jih hnơ̆ng kơ djăp mta bruă mơ̆ng Đảng hŏng Êpul lĭng kahan yang ƀuôn; mđĭ bruă klam, klei tŭ dưn, boh tŭ mă bruă Đảng, bruă kđi čar hlăm djăp mta bruă, hdră bruă bi hgŭm plah wah dua êpul lĭng kahan; mđĭ hâo hưn mtô mblang boh tŭ kơ hƀuê ênuk, klei yuôm bhăn mơ̆ng klei bi hgŭm Việt Nam - Lào.