Khua phŭn bruă hŏng tač êngao Lào mâo leh klei lač jăk kơ Đảng, Knŭk kna lehanăn mnuih ƀuôn sang Việt Nam mâo nanao klei sa ai mđrăm mbĭt hŏng Đảng, Knŭk kna lehanăn mnuih ƀuôn sang Lào.  Khua lăn čar Lương Cường đăo knang hŏng dŭm bruă leh ngă bi êdah ai tiê klei khăp prŏng mơ̆ng khua phŭn bruă hŏng Việt Nam, hŏng bruă pô srăng lŏ mâo lu klei bi mguôp kjăp dua ala čar.

Khua lăn čar bi mni kơ klei hgŭm leh dua ala čar wưng leh êgao, mjing leh djăp klei găl kơ mnuih Việt Nam ti Lào mă bruă, hdĭp mda bi hơĭt klei hdĭp ti ala čar Lào, đru rŭ mdơ̆ng lăn čar Lào mdrŏng sah, mjing kdrông hlăm klei ksul mbŭ, bi kjăp klei thâo bi mguôp Việt Nam - Lào. Dua čô khua kiă kriê mâo klei mơak kyua hlăm wưng êgao, boh nik hlăm bruă kđi čar mâo lŏ hyuă kjăp hĭn, mâo klei hgŭm hlăm bruă răng mgang klei êđăp ênang, ăt jing kmeh gơ̆ng kơ klei thâo bi mguôp dua nah./.