Yăl dliê hŏng mtao kơ Văn Miếu - Quốc Tử Giám, Khua lăn čar Lương Cường lač, anei jing klei bi knăl kơ ƀuôn prŏng phŭn Hà Nội êbâo thŭn duh myơr, jing leh sang hră gưl prŏng tal êlâo mơ̆ng Việt Nam, anôk mâo leh 82 pŏk mdhă Nai prĭn mâo UNESCO tŭ yap jing leh knhuah gru yuôm bhăn kơ tar rŏng lăn.

Dôk mnăm êa čê, Khua lăn čar bi êdah klei mơak, ƀuh klei bi mguôp dua ala čar mâo klei đĭ kyar jăk, sĭt suôr dua lăn čar lehanăn mnuih ƀuôn sang dua nah. Khua lăn čar čang hmăng hŏng klei jing pô Mtao srăng lŏ dơ̆ng ksul mbŭ kơ klei bi mguôp jăk siam anei, boh hŏng hđeh gưl mrâo thâo săng kơ klei thâo bi mguôp, thâo bi đru săn asei mlei kyua klei hnŭk êngiê djuê ana, lehanăn lŏ dơ̆ng hyuă kjăp hĭn klei thâo bi hgŭm Việt Nam - Campuchia.