Leh hmư̆ klei hưn lehanăn dŭm klei blŭ bi trông, Khua lăn čar Lương Cường lač, klă hŏng klei gĭt gai mơ̆ng Đảng, dŭm thŭn êgao, bruă hdră bhiăn ala čar drei mâo leh dŭm knhuang nao jăk, mâo boh tŭ dưn yuôm bhăn hlăm djăp mta ra bruă; hdră mkŏ mjing, hluê ngă bruă mơ̆ng dŭm anôk bruă hdră bhiăn amâo mdei mlih mrâo, bi leh, ngă bruă tŭ dưn. Hluê hŏng anăn, hlăm wưng ti anăp, bruă mkra mlih hdră bhiăn srăng lŏ dưi hluê ngă hluê Hdră mtrŭn mrô 27-NQ/TW kơ bruă mkŏ mkra Ala čar Việt Nam yang ƀuôn ngă phŭn hlăm wưng mrâo, gĭr mkŏ mkra anôk bruă hdră bhiăn thơ̆ng kơ bruă, mrâo mrang, bi knar, mtăp mđơr, kpă mngač, ngă jăk bruă mkăp kơ Ala čar, kơ mnuih ƀuôn sang.

Kơ hdră mprăp kơ Klei bi kƀĭn tal 1 thŭn 2025 mơ̆ng Anôk gĭt gai bruă mkra mlih hdră bhiăn Gưl dlông, Khua lăn čar mñă, hdră mkra mlih hdră bhiăn brei hluê ngă djŏ hdră êlan mtrŭn mơ̆ng Đảng, rơ̆ng klei bi knar, djŏ hŏng dŭm hdră mtrŭn, hdră bhiăn djŏ tuôm, đru mđĭ boh tŭ bruă hdră bhiăn, mkŏ mkra ala čar yang ƀuôn ngă phŭn./.