Gưl Khua lăn čar Lương Cường nao čhưn ti Êjip jing yuôm bhăn, hmăi sui kơ klei đĭ kyar mơ̆ng klei bi hgŭm Việt Nam - Êjip. Mkŏ mjing hlăm wưng Việt Nam dôk gĭr bi leh hdră kñăm, bruă klam hŏng tač êngao mơ̆ng Klei bi kƀĭn Đảng XIII kčah, pŏk ngă lu klei êdah êdi kơ klei bhiăn, anôk bruă nah gŭ duh kơ klei đĭ kyar lăn čar, mđing kơ klei bi kƀĭn tal XIV mơ̆ng Đảng Cộng sản Việt Nam; mprăp kơ klei ksiêm wĭt Hdră bruă “Mđĭ kyar klei bi hgŭm Việt Nam leh anăn Êpul hgŭm Afrik wưng 2021-2025". 

Hlăm wưng gưl nao čhưn, Khua lăn čar Lương Cường srăng mâo klei bi trông gưl dlông hŏng Khua mil čhil Êjip Abdel Fattah Al Sisi; bi tuôm hŏng Khua knŭk kna Mostafa Madbouly, Khua Thượng viện Abdel-Razek leh anăn Khua Hạ viện El-Gebaly; blŭ hhrăm hdră êlan ti Anôk bruă êpul bi hgŭm Arab.