Blŭ hrăm hlăm mmông bi tuôm, Khua lăn čar lač klă, thŭn 2025 jing thŭn mâo boh tŭ dưn yuôm bhăn hlăm lăn čar drei, thŭn mâo lu hdră bruă kđi čar prŏng mơ̆ng Đảng, mơ̆ng lăn čar, Thŭn bi hmar, kdlưn hĭn, truh hnơ̆ng, gĭr mâo leh anăn êgao dŭm mta kñăm, hnơ̆ng čuăn mâo klei kƀĭn kluôm bruă Đảng tal 13 bi klă, ba lăn čar čhuang mŭt hlăm ênuk mrâo, ênuk kpưn đĭ mdrŏng ktang.

Khua lăn čar mñă kơ Binh chủng Đặc công mlih mrâo jêñ jêñ, mđĭ hnơ̆ng tŭ jăk bruă bi hriăm, êlâo hĭn jing mđĭ hnơ̆ng mtô mjuăt hdră mnêč, hrăm čăm, hdră mnêč Đặc Công. Mbĭt anăn lŏ dơ̆ng ksiêm duah, lŏ čuê, mđĭ kyar hdră mnêč kdơ̆ng mblah đặc công găl guôp hŏng bruă mkŏ mjing, phao ktuang, kdrăp yua mrâo mrang leh anăn hdră tă đĭ kyar hlăm dŭm thŭn kơ anăp, nao klă hŏng klei čuăn, bruă klam, grăp čô leh anăn alŭ wăl kdơ̆ng mblah.