Bi ala kơ khua gĭt gai Đảng leh anăn Knŭk kna, Khua lăn čar Lương Cường mơĭt kơ jih jang mnuih ƀuôn sang Việt Nam hdĭp ti ala tač êngao klei khăp yuôm bhăn, klei êmuh hrăm leh anăn klei hơêč hmưi thŭn mrâo jăk siam.

Khua lăn čar brei thâo, Đảng, Knŭk kna leh anăn mnuih ƀuôn sang hlăm ala čar mđing dlăng, ktuê dlăng boh klei mnuih ƀuôn sang ti ala tač êngao leh anăn hơ̆k mơak snăk, ktưn hưn tơdah ƀuh thŭn êgao, wăt tơdah tuôm hŏng lu klei dleh dlan, lông dlăng ƀiădah mnuih ƀuôn sang ăt krơ̆ng kjăp ai tiê klei mĭn, gĭr ktưn mkŏ mjing klei hdĭp jăk siam hĭn. Khua lăn čar brei thâo, Việt Nam dôk mprăp hdră êlan kjăp čiăng kơ lăn čar ktưn hưn mŭt hlăm ênuk mrâo leh anăn hŏng hƀuê ênuk kdrưh kơăm mơ̆ng dŭm êbâo mkŏ mjing lăn čar, Việt Nam yua jih klei găl hƀuê ênuk. Khua lăn čar čang hmăng grăp čô mnuih ƀuôn sang Việt Nam, wăt tơdah hlăm ala čar amâodah ala tač êngao, bri hrăm mbĭt đru mguôp hlăm hdră prŏng prĭn mơ̆ng djuê ana. Ñu bi mklă, Đảng leh anăn Knŭk kna drei pioh nanao klei mđing uêñ, kriê dlăng kơ mnuih Việt Nam drei ti ala tač êngao