Gưl Khua mil čhil Brazil hriê čhưn jing yuôm bhăn, mjing klei mđĭ hĭn bruă bi hgŭm dua ala čar hlăm jar Ƀĭng hgŭm kluôm Việt Nam-Brazil. Gưl nao čhưn mơ̆ng Khua mil čhil Lula da Silva hŏng êpul bi ala gưl dlông leh anăn lu anôk bruă duh mkra Brazil ti Việt Nam tal anei jing klei bi mklă brei ƀuh klei mĭn kđi čar, hnơ̆ng yuôm bhăn mơ̆ng klei bi hgŭm nua nah ăt msĕ mơh bi mklă Việt Nam jing sa ƀĭng hgŭm năng đăo knang mơ̆ng Brazil.

Gưl hriê čhưn jing knhuang yuôm bhăn hlăm klei bi hgŭm dua nah, pŏk mlar klei bi blŭ hrăm leh anăn bi hgŭm hlăm lu bruă yuôm bhăn, mđĭ bi hgŭm hlăm klei bi kƀĭn lu tĭng. Hlăm jar gưl hriê čhưn, Khua mil čhil Lula da Silva nao hlăm knăm drông klă sĭt leh anăn bi trông hŏng Khua lăn čar Lương Cường, bi tuôm hŏng khua gĭt gai Đảng, Knŭk kna Việt Nam ăt msĕ mơh mâo dŭm bruă ngă yuôm bhăn ti Hà Nội.