Bi ala kơ Khua gĭt gai Đảng, Knŭk kna, K’iăng Khua bruă kƀĭn ala Trần Quang Phương êmuh hrăm, mđĭ ai phung knuă druh, mă bruă, boh nik phung êdam êra, phung mă bruă mâo klei hdĭp dleh dlan, mâo klei truh hlăk êjai mă bruă, klei ruă kjham, phung êdu awăt hlăm ala ƀuôn.

K’iăng Khua bruă kƀĭn ala hŏng êpul mă bruă mđup brei leh 300 hnư mnơ̆ng kơ phung mă bruă mâo klei hdĭp dleh dlan. K’iăng Khua bruă kƀĭn ala mtă kơ gưl bruă Đảng, bruă sang čư̆ êa dŭm gưl kƀĭn mđĭ kyar bruă duh mkra, mđĭ klei êđăp ênang mguôp hŏng klei hdĭp mnơ̆ng dhơ̆ng, ai tiê mnuih ƀuôn sang dŭm djuê ana ti čar, ngă jăk hĭn hdră êlan đru kơ klei hdĭp mda ala ƀuôn, bi hrŏ ƀun hơĭt kjăp ti čar. Hlăm hruê, Êpul mă bruă nao čhưn, mđup brei mnơ̆ng kơ knuă druh, lĭng kahan răng mgang knông lăn Ia Rvê, Êpul ngă bruă duh mkra lĭng kahan răng mgang knông lăn 737, knuă druh, khua mduôn leh anăn gŏ sang knŭk kna dlăng ba, hđeh sang hră mâo klei hdĭp dleh dlan ti kdriêk knông lăn Ea Súp.