K’iăng Khua knŭk kna Bùi Thanh Sơn hơêč hmưi čar Hải Phòng hlăm thŭn êngao mâo lu boh tŭ dưn hlăm bruă duh mkra ala ƀuôn, hŏng hnơ̆ng đĭ kyar GRDP mâo êbeh 11%.

K’iăng Khua knŭk kna hmăng hmưi bruă Đảng ƀuôn prŏng, bruă sang čư̆ êa lŏ dơ̆ng bi lar hĭn knhuah gru thâo khăp, thâo pap, jang êsei, mbha ao hlăm dŭm gưl mnuih ƀuôn sang, mkŏ mjing dŭm mta bruă čiăng kơ grăp čô drông tết hŏng klei hơ̆k mơak, mkiêt mkriêm, êđăp ênang. Wưng anei, bruă sang čư̆ êa ƀuôn prŏng Hải Phòng mprăp leh ngăn prăk mđup brei 5000 hnư mnơ̆ng, knar hŏng 10 êklai prăk, dŭm gưl bruă công đoàn ƀuôn prŏng bi mguôp yua mnuih mă bruă bi liê prăk tết, kriê dlăng tết kơ phung mă bruă dleh dlan, hŏng ênoh êbeh 1850 êklai prăk.