K’iăng Khua lăn čar Võ Thị Ánh Xuân myơr mnga, myơr brui mngưi bi hdơr kơ Khua gĭt gai Hồ Chí Minh leh anăn kơ phung jhŏng ktang êngiă asei ti Gia Lai
Thứ năm, 14:53, 16/01/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Lŏ dơ̆ng hlăm gưl nao mă bruă ti Gia Lai, hruê (15/1), K’iăng Khua lăn čar Võ Thị Ánh Xuân hŏng êpul mă bruă nao myơr mnga, brui mngưi kơ Khua gĭt gai Hồ Chí Minh ti Wăl tač Đại Đoàn Kết leh anăn hdơr kơ phung jhŏng ktang êngiă asei ti wăl msat phung êngiă asei čar Gia Lai.
Ti anăp knưl Awa Hồ hŏng dŭm djuê ana Lăn dap Kngư ti wăl tač Đại Đoàn Kết, K’iăng Khua lăn čar Võ Thị Ánh Xuân hŏng êpul mă bruă hŏng klei mpŭ myơr leh mnga, pioh sa mnĭt bi hdơr leh anăn bi êdah ai tiê hdơr knga hŏng Khua gĭt gai Hồ Chí Minh- khua gĭt gai prŏng mơ̆ng Đảng drei, pô jhŏng ktang mtlaih êngiê djuê ana, lĭng kahan cộng sản dlông rŏng lăn bi hmô.
Êpul mă bruă myơr leh brui mngưi tti anôk hdơr kơ Awa Hồ ti wăl tač. Hlăm ai êwa mpŭ ti Wăl msat phung êngiă asei čar Gia Lai, K’iăng Khua lăn čar Võ Thị Ánh Xuân hŏng êpul mă bruă pioh leh mnĭt mmông bi hdơr, bi êdah klei mpŭ, hdơr kơ ai tiê prŏng prĭn phung jhŏng ktang, êngiă asei myơr leh.
Viết bình luận