Dŭm boh klei dưi ksiêm dlăng, bi klă hlăm klei kƀĭn anei đru kơ bruă mkŏ dăp, bi khuăt mnuih mă bruă, bi djăp ênŭm klei čiăng mơ̆ng lăn čar hlăm ênuk mrâo. Anei jing boh klei dôk mâo klei sa ai mơ̆ng knuă druh, đảng viên leh anăn mnuih ƀuôn sang, ăt jing tuê knơ̆ng kơ bruă mkŏ mjing, bruă knuă druh hlăm klei kƀĭn tal 14 mơ̆ng Đảng, ruah phung bi ala Bruă Kƀĭn Ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026  - 2031.

Êngao kơnăn, Bruă Kƀĭn Ala ksiêm dlăng, bi klă, hmao ruh mgaih klei dleh dlan, kpăk gun kơ klei kiă kriê, hdră êlan, mkŏ mjing klei kdlưn hĭn čiăng bi hơĭt bruă mkŏ mkra, bi lar ai dưi, mkŏ mjing wăl đĭ kyar mrâo, kñăm hluê ngă tŭ jing dŭm mta kñăm Klei kƀĭn kluôm tal 13 mơ̆ng Đảng bi êdah leh. Ăt hlăm klei kƀĭn anei, Bruă Kƀĭn Ala ksiêm dlăng, bi klă 4 hdră bhiăn: Hdră bhiăn mkŏ mjing knŭk kna (mkra mlih), hdră bhiăn mkŏ mjing bruă sang čư̆ êa (mkra mlih), hdră bhiăn mkra mlih, bi bŏ đa đa mta mơ̆ng Hdră bhiăn mkŏ mjing Bruă Kƀĭn Ala, hdră bhiăn ba mdah hră mtrŭn hdră bhiăn (mkra mlih). Klei kƀĭn gưl anei mĭn tĭng mă bruă hlăm 6 hruê mkrah, mơ̆ng hruê 12 – 19/2/2025.