Hŏng hdră êlan “Êngiê – bi mguôp – hdră bhiăn- kdlưn hĭn – đĭ kyar”, klei kƀĭn kluôm lŏ dơ̆ng bi klă ai tiê bi mguôp, sa ai, klei jhŏng, klei mĭn, klei gĭr, knhuah gru jăk siam mơ̆ng bruă Đảng leh anăn êpul lĭng kahan alŭ wăl 9 hlăm 80 thŭn mkŏ mjing, kdơ̆ng mblah leh anăn đĭ hriê kơ prŏng, năng jing êpul bi blah siă suôr, đăo knang mơ̆ng Đảng, knŭk kna leh anăn mnuih ƀuôn sang hlăm bruă mkŏ mjing leh anăn răng alŭ wăl Yŭ Dhŭng mơ̆ng lăn čar hlăm ênuk mrâo.

Hlăm wưng thŭn 2025 – 2030, Bruă Đảng, knơ̆ng gĭt gai lĭng kahan wăl kahan bi klă dŭm hnơ̆ng čuăn msĕ si mkŏ mjing êpul lĭng kahan kjăp ktang kơ bruă kđi čar, jing tur knơ̆ng mđĭ hnơ̆ng jăk klei thâo, ai dưi kdơ̆ng mblah, mđĭ hĭn hnơ̆ng klei klei ksiêm duah, đăo knăl, đru kčĕ hŏng Knơ̆ng kahan gưl dlông, Phŭn bruă lĭng kahan kơ bruă lĭng kahan, rơ̆ng kơ klei djŏ, klei tŭ dưn, amâo mâo jưh hnang, amâo mâo klei kdjăt kƀla.