Hlăm klei kƀĭn, k’iăng Khua knŭk kna Nguyễn Hòa Bình lač klă, êngao kơ dŭm boh tŭ dưn dưi mâo, bruă hluê ngă ăt brei ƀuh klei mlih mrâo hră mơar knŭk kna ăt adôk mâo dŭm klei dleh kpăk, êdu kƀah, knơ̆ng bruă, mnuih ƀuôn sang ka mâo klei găl klă sĭt.

Dŭm klei dleh kpăk anei čiăng hmao mgaih msir čiăng bi mâo djăp klei čiăng hlăm boh sĭt, hmar ba yua tŭ dưn grăp ai dưi đru kơ klei krŭ wĭt, đĭ kyar, đru kơ ênuk mrâo, ênuk mdrŏng ktang, kpưn đĭ mơ̆ng lăn čar. Bi kơ bruă klam hlăm wưng kơ anăp, k’iăng Khua knŭk kna Nguyễn Hòa Bình mñă kơ phung khua hlăm êpul gĭt gai, dŭm phŭn, dhar bruă alŭ wăl kñăm ngă 11 bruă klam dưi bi êdah leh. Hlăm anăn nao klă hŏng hdră kčah mtrŭn mơ̆ng Đảng, Knŭk kna kơ bruă mlih mrâo klei ngă hră mơar knŭk kna čiăng hluê ngă jăk, klă pô, klă bruă, mâo mta phŭn leh anăn mmông bi leh.