Hlăm hdră bruă dưi dlăng jing bruă cách mạng hlăm klei mkŏ dăp, bi khuăt bruă kđi čar mơ̆ng Việt Nam, Khua gĭt gai Đảng Tô Lâm nao hlăm knăm ba mdah dŭm klei bi klă ti ƀuôn prŏng Hồ Chí Minh. Khua lăn čar Lương Cường nao hlăm knăm ba mdah ti ƀuôn prŏng phŭn Hà Nội.

Khua bruă kƀĭn ala Trần Thanh Mẫn nao hlăm knăm ba mdah ti ƀuôn prŏng Cần Thơ. Khua knŭk kna Phạm Minh Chính nao hlăm knăm ba mdah ti ƀuôn prŏng Hải Phòng. Khua hlăm êpul bruă Đảng nao hlăm knăm ba mdah ti ƀuôn prŏng Đà Nẵng.

Hlăm knăm, dŭm alŭ wăl bi mdah leh dŭm klei bi klă kơ bruă mkŏ mjing bruă sang čư̆ êa alŭ wăl dua gưl, leh anăn  ba mdah bruă Đảng čar, bruă sang čư̆ êa mrâo mkŏ mjing.

Dŭm hdră mơar dưi ba mdah mâo: Hdră mtrŭn mơ̆ng Bruă Kƀĭn Ala kơ bruă mkŏ mjing čar, ƀuôn prŏng, Hdră mtrŭn mơ̆ng Dhar bruă kƀĭn ala kơ bruă mkŏ mjing dŭm să, ƀuôn hgŭm, anôk bruă hlăm čar, ƀuôn prŏng.

Dŭm klei bi klă mơ̆ng phŭn bruă kđi čar kơ bruă mkŏ mjing bruă Đảng čar, ƀuôn prŏng, ruah mdưm Êpul khua bruă Đảng, k’iăng khua bruă Đảng, dhar bruă ksiêm dlăng dŭm anôk bruă Đảng čar, ƀuôn prŏng.

Hdră mtrŭn mơ̆ng Dhar bruă Bruă Kƀĭn Ala kơ bruă ruah mdưm khua kiă kriê, k’iăng khua Êpul gơ̆ng bruă ƀuôn sang, Khua Êpul gơ̆ng bruă ƀuôn sang dŭm čar, ƀuôn prŏng, Khua êpul, k’iăng khua êpul bi ala akb čar, ƀuôn prŏng.

Klei bi klă mơ̆ng Khua knŭk kna kơ bruă ruah mdưm khua gĭt gai, k’iăng khua gĭt gai bruă sang čư̆ êa dŭm čar, ƀuôn prŏng. Klei bi klă mơ̆ng dhar bruă mặt trận čar kwar gưl dlông Việt Nam mkŏ mjing dhar bruă mặt trận dŭm čar, ƀuôn prŏng.

Hdră mtrŭn kơ bruă bi ruê̆ klei mă bruă mơ̆ng dŭm anôk bruă Đảng kdriêk, să hđăp, anôk bruă hlăm čar, ƀuôn prŏng.

Hdră mtrŭn mơ̆ng Êpul khua bruă Đảng čar, ƀuôn prŏng kơ bruă mkŏ mjing bruă Đảng dŭm să, ƀuôn hgŭm, anok bruă, Dŭm klei bi klă mơ̆ng bruă ruah mdưm khua gĭt gai bruă Đảng nah gŭ, Êpul gơ̆ng bruă ƀuôn sang, bruă sang čư̆ êa dŭm să, ƀuôn hgŭm, anôk bruă.