Việt Nam găn leh giăm 35 thŭn mdrơ̆ng hŏng kman HIV/AIDS lehanăn mâo leh lu boh tŭ dưn, jing ala čar ba akŏ ti Asi – pacific kơ ênoh mnuih dôk mdrao hŏng êa drao PrEP, dưi mkhư̆ leh truh 97% ênoh mnuih mnăm dưi ñĕ kơ klei bi mtưp kman HIV.

Čiăng dưi bi sĭt gang mkhư̆ jih klei ruă AIDS hlăm thŭn 2030, K’iăng khua knŭk kna Lê Thành Long mtă kơ dŭm phŭn dhar bruă ksiêm, lŏ mbŏ bi leh jih jang klei bhiăn kơ bruă mdrơ̆ng hŏng kman HIV/AIDS bi djŏ guôp. Mâo klei bhiăn, hdră êlan, mjing klei găl kơ dŭm êpul êya, lehanăn mnuih, lŏ dơ̆ng ngă klei mlih mrâo, mđĭ hnơ̆ng kjăp klei hâo hưn, mtô bi hriăm, amâo mâo klei ñĕ đuĕ lehanăn bi kah ôh hŏng mnuih mâo kman HIV/AIDS.