Aguah, êpul mă bruă nao čuă, hơêč hmưi Têt lehanăn mđup brei mnơ̆ng kơ phung knuă druh, lĭng kahan Kđông kahan răng mgang knông lăn Tuy Đức, Knơ̆ng gĭt gai lĭng kahan răng mgang knông lăn čar, Đại đội Bộ binh 3 (Knơ̆ng gĭt gai lĭng kahan kdriêk Tuy Đức. Ƀri gưl anei, Êpul mă bruă mơ̆ng Gưl dlông jao leh 50 hnư mnơ̆ng truh kơ dŭm gŏ sang mâo klei hdĭp dleh dlan lehanăn 20 hnư mnơ̆ng truh kơ phung hđeh hriăm hră jing anak rông kđông kahan.

Tlam, Kơiăng khua Anôk bruă kƀĭn ala Trần Quang Phương mbĭt hŏng êpul mă bruă Gưl dlông nao čuă, hơêč hmưi Têt kơ phung knuă druh, lĭng kahan lehanăn mnuih ƀuôn sang ti să krĭng 3 Đăk Ngo, kdriêk Tuy Đức, čar Dak Nông. Kơiăng khua anôk bruă kƀĭn ala bi mni kơ bruă sang čư̆ êa alŭ wăl gĭr hluê ngă jăk hdră mđing dlăng Têt kơ mnuih ƀuôn sang. Sŭk suôr čuă êmuah, hơêč hmưi phung khua mduôn, mnuih mâo kơhưm jing mnuih djuê ƀiă, Kơiăng khua Anôk bruă kbĭn ala ăt mñă klă bruă klam mơ̆ng phung khua mduôn, mnuih mâo kơhưm. Anei jing êpul êya phŭn đru ba hdră êlan mtrŭn mơ̆ng Đảng, Hdră bhiăn mơ̆ng knŭk kna truh hŏng mnuih ƀuôn sang, mbĭt anăn nao hgŭm mkŏ mkra klei bi hgŭm mguôp jih jang mnuih ƀuôn sang./.